Vamos amanecer con cielos bien nublos y precipitaciones xeneralizaes que van ser más frecuentes nel centru y nel sector oriental. Amás, les nevaes van ser significatives a partir de los 900/1000 metros. Ello ye que hasta les 10:00 hores de la mañana va tar activáu l’avisu mariellu nel cordal y nel suroccidente por nevaes. Esta inestabilidá va unviar rápido a lo llargo de la mañana d’occidente a oriente mientres se van a dir abriendo grandes claros nel cielu. Con éses esperamos una parte final de la mañana y primeres hores de la tarde con bon tiempu en prácticamente tol Principáu d’Asturies.
Pero a lo llargo de la tarde vamos reparar como la nubosidad volverá entrar y, primero que concluya’l día, les precipitaciones volverán afectar a la rexón. Va empezar lloviendo pel oeste asturianu y van dise estendiendo pol restu de la Comunidá Autónoma ente la recta final de la xornada y la madrugada del llunes. La cota de nieve aquel día va tar muncho más alta que güei pela mañana. Concretamente, va tar asitiada sobro los 1600/1800 metros d’altor. Tocantes a los vientos, van soplar d’oeste moderaos con dalguna qu’otra racha localmente más fuerte pela mañana en zones altes. Pela nueche estos vientos van afitar de sur sobremanera nel cordal onde podríen soplar con intervalos fuertes. Les temperatures máximes van xubir nel cordal y zones del sur d’Asturies y van caltenese nel restu. Les mínimes apenes van esperimentar cambeos.
