Empezamos la selmana con una xornada na que la nubosida va estendese por tol Principáu mientres el día. Vamos amanecer con intervalos de nubes altes, pero a lo llargo del día les nubes van dir a más y van ser cada vez más compactes. La probabilidá de precipitaciones va dir claramente n’aumentu a partir del mediudía polo que mientres la tarde podría llover en cualquier puntu cuidao que se preven bastios irregularmente partíos. La cota de nieve va tar asitiada bien alta cuidao que nun se preven nevaes per debaxo de los 2000 metros d’altor.
Los vientos van soplar de suroeste moderaos y nun se refuguen, nuevamente, dellos intervalos fuertes en zones altes del occidente y tamién nel cordal. Tocantes a les temperatures, prevese un ascensu xeneralizáu de les máximes. Van xubir hasta 4 o 5 ºC na metá occidental y hasta 2 o 3 ºC na oriental. Les temperatures mínimes van xubir namá nel terciu oeste, especialmente nel suroccidente asturianu. Nel restu nun van esperimentar cambeos respecto al domingu.
El martes vamos tener tiempu estable pela mañana y nun se refuguen precipitaciones pela tarde. La cota de nieve va superar los 2200 o 2300 metros. Los vientos van siguir soplando de suroeste moderaos con raches fuertes nel cordal y en zones espuestes del occidente. Les temperatures van siguir xubiendo. Les máximes van xubir nuevamente en toa Asturies, sobremanera na metá oriental. Les mínimes van xubir de forma bien significativa.
