Vamos tener pela mañana dellos intervalos de nubes altes ensin importancia con enclín a abrir grandes claros col pasu de les hores. Poro, el sol va cobrar protagonismu y les agües van ser totalmente inesistentes. Amás, los vientos van ser fluexos y variables polo que nada va tener que ver el día d’esti vienres (y los siguientes) con situaciones vivíes estes últimes selmanes. Les temperatures máximes van xubir en tol Principáu. Concretamente, hasta 4 o 5 ºC na metá sur y hasta 3 o 4 ºC nel norte. Les mínimes van baxar na zona central asturiana y van caltenese ensin cambeos nel restu respecto añl xueves.
El sábadu vamos siguir con cielos pocu nublos o inclusive estenos. Los vientos van siguir siendo fluexos y les temperatures diurnes volverán xubir otros 5 ºC nel sur d’Asturies y unos 3 o 4 ºC, nuevamente, nel restu. Vamos Siguir con bon tiempu non solo’l domingu, sinón tamién mientres los primeros díes siquier de la próxima selmana. Ello ye que hai posibilidá de que puedan llegase a superase los 20 ºC el martes.
