Feten presenta ‘Luciérnaga’, una instalación que busca la participación del públicu. RTPA
Una esperiencia de xuegu inmersiva que tresporta a un escenariu máxicu.
Estrenu total de ‘Luciérnaga’ en Feten. Ye una instalación na que Priscilla Vela condensa tola so investigación sobre’l poder del xuegu.
Les lluces, les testures y tola decoración crea un universu particular convidando más qu’a mirar a interactuar. Un universu oníricu que convida a poner tolos sentíos en marcha.
Detrás hai años d’investigación pedagóxica de Priscila, autora de dellos llibros, que yera músicu profesional na ópera.
L’amuesa ta fecha con materiales qu’ella mesma diseña y fabrica. Resina pa recuperar dalgo que tamos arrequexando, el poder del xuegu.
