La fonte de Foncalada va tener un caltenimientu añal p’ameyorar el so estáu.
Los trabayos de restauración en Foncalada empezaron cola aplicación d’un biocida pa desaniciar plantes, liquen y el mofu de la fonte. Depués van quitase los rellenos de cementu y va utilizase una proyección de micropartícules pa quitar la capa de cal poles filtraciones d’agua.
Nun últimu pasu, va aplicase a tol monumentu prerrománicu un hidrofugante pa protexelu del agua, esplica Marta Luisa Corrada, restauradora.
Precisamente, la intervención va incluyir un estudiu de dellos materiales pa precisar entá más la fecha na que foi construyida la fonte.
Tolos trabayos tienen el preste del grupu d’asesoría xeolóxica GEA. Cunten con 80.000 euros d’inversión del Principáu y van allargase hasta’l mes d’abril.
Anque la idea ye que la fonte de Foncalada tenga un caltenimientu añal, repitiendo dalgunos de los procesos d’esta restauración pa garantizar un meyor caltenimientu.
