Autora ANDREA RUÍZ / Testu: LETICIA SÁNCHEZ
La portada de güei tien como protagonista a una gata, ese animal fascinante qu’acompañó al ser humanu como compañeru y testigu silenciosu a lo llargo de tola hestoria y en toles civilizaciones.
Los gatos escribieron la hestoria al pie de los homes, y nuesa protagonista ye la musa y fiel compañera d’Andrea: quien comparte con ella pruyimientos y señardaes, y, qué tanto, el so amor pola sidra representáu nesi corchu qu’ella adopta como xuguete. A los gatos cautívenlos los arumes terrosos, l’arume de la tierra recién removida o de la madera húmedo, y nellos paez llatir una memoria antigua.
Esta portada tamién fala de la inmigración, de quien, por diversu motivos, escueyen Asturies para vivir. Un llugar maraviyosu qu’acueye y namora, pero onde la señardá polos raigaños propies permanez intacta col pasu del tiempu.
La lluz qu’alluma la nuesa infancia, los soníos y los arumes qu’envolubren los nuesos primeros pasos na vida permanecen tatuaos na piel vivamos onde vivamos. Porque nun hai nada como la tierra d’unu, por más arrogante y formosa que sía’l paisaxe que nos recibe. Por eso, esta portada tamién fala de la señardá d’otra tierra.
Llicenciada en Belles Artes Andrea Ruíz @cridavenus ta especializada n’ilustración infantil, cartelismo y proyectos de critica social.
Leticia Sánchez @letisaurus escritora y copropietaria de la llibrería Mataderu Unu ye cronista de la mayoría de les portaes d’esti proyectu.
@theasturianer
#covermagazine
#culturasidrera
#gatosilustracion
#asturiasilustracion
