Autora MARIA PERERA / Testu LETICIA SÁNCHEZ
Para celebrar la portada N80, rindimos homenaxe al Tino Casal, rei de los ochenta, figura clave del pop tecno, del movimientu new romantic n’España y unu de los grandes referentes de la Movida madrilana. Homenaxe n’Uviéu / Videu orixinal 1987 /
La so atanante personalidá escénica, la so estética glam y el so calter innovador consagrolu como un ceador visionariu, tantu como compositor ya intérprete como nes artes plástiques. La so propuesta estética y musical rompió moldes n’una España qu’espertaba culturalmente tres la transición.
Nacíu’l 11 de febreru de 1950 en Tudela Veguín, empecipió la so carrera con Los Zafiles Negros y Los Archiduques, grabando «Llamentu de gaites», pionera n’incorporar la gaita al pop-rock español.
En Londres entró en contactu col glam rock de David Bowie, influencia decisiva nel so imaxinariu artísticu. Mientres los ochenta desenvolvió una sólida carrera en solitariu, marcada pol barroquismu sonoru y visual. Produció a grupos como Vídeu o Obús y collaboró con Pedro Almodóvar. Finó’l 22 de setiembre de 1991 a los 41 años, en Madrid, dexando un legáu esencial para la modernidá cultural n’España.
María Perera @mariaperera_ilustracion ye llicenciada n’Hestoria del Arte y graduada en Diseñu Gráficu. Como ilustradora profesional, especializóse en semeyes y en lliteratura infantil, collaborando con editoriales, revistes y axencies de publicidá nacionales ya internacionales
El so universu creativu bebe de la lliteratura, el cine y la música, con una mención especial a la obra de The Beatles, una de les sos grandes fontes d’inspiración.
Leticia Sánchez, @letisaurus, autora del testu, nun usa xampú de güevu nin maquillaxe de seda como Tino ,nin falta que-y fai, pero aun así consigue embruxanos y faer que nueses portaes rellumen como estrelles.
@theasturianer
#covermagazine
#tinocasalforever
#musicosasturianos
