El Conseyu de Patrimoniu Cultural da’l preste a 
BIC nuevos: la colección artística de l’antigua Caja de Ahorros, el yacimientu de Lucus Asturum (Llanera) y el teatru popular o costumista asturianu. 
El plenu apoya la protección d’estos tres elementos clave pal patrimoniu artísticu, arqueolóxicu y cultural del Principáu. 
Les propuestes van ser elevaes al Conseyu de Gobiernu pa la so aprobación per decretu. 
La Selmana de les Lletres Asturianes va tar dedicada en 2026 al teatru costumista.
La conseyera de Cultura, Política Llingüística y Deporte, Vanessa Gutiérrez, soscribió güei un alcuerdu d’intenciones con Unicaja pel que la entidá financiera va ceder en depósitu al Principáu les obres d’arte de l’antigua Caxa d’Aforros d’Asturies integraes na Colección Unicaja.
La conseyera sorrayó qu’esti pasu “marca un fitu na recuperación y protección del patrimoniu cultural común de tolos asturianos”, y destacó que “la collaboración institucional dexa garantizar qu’una colección artística d’enorme valor vuelva a Asturies y pueda ser disfrutáu pol conxuntu de la ciudadanía”.
L’alcuerdu recueye la disposición d’Unicaja pa la declaración BIC del conxuntu d’obres de l’antigua Caxa d’Aforros d’Asturies que son de la so propiedá, asina como pal treslláu al Principáu de les pieces qu’anguaño s’atopen fuera de la comunidá.
En concreto, trátase de 
obres depositaes en Cuenca, Madrid y Barcelona, que van ser cedíes temporalmente al Principáu.