- Evaristo Valle:
- Nicolás Pinol:
- Mariano Moré: (Xixón, 1899- Uviéu, 1974)
Artistes asturianos de la primer metá del sieglu XX y que representaron nos sos cuadros la cotidianidá del mundu rural. Paisaxes rurales, urbanos y humanos, qu’amuesen la trayectoria d’estos artistes de posguerra. Un viaxe, al arte asturianu de la primer metá del sieglu XX. LNE /
Mariano Moré Cors. Pintor xixonés, que retrató la durez de l’Asturies de la mina y el mar. Mariano Moré (Xixón, 1899- Uviéu, 1974), unu de los grandes pintores asturianos del terciu central del pasáu sieglu. Na Universidá d’Uviéu espunxo per vegada primera n’una colectiva celebrada en 1918 y a la qu’asistieron los reis Alfonso XIII y María Eugenia.
«Los fíos del patrón», 1942
La mina y el mar d’Asturies pintaos con maestría suma y un güeyu «bien comprometíu socialmente». Cuadros, dalgunos d’ellos de gran formatu, onde non yá destaca’l «estraordinariu sentíu del color» que desenvolvió Moré, que la so procedencia d’una familia acomodada nun-y torgó desenvolver una enorme capacidá de «conexón cola realidá», lo que fai de cada obra una elocuente clase maxistral sobro les condiciones sociales de la dómina n’Asturies. La rexón foi siempres l’escenariu de la obra de calter costumbrista d’un artista que, n’allegando a formase en Madrid, empecipió na capital d’España una llarga carrera con presencia nes Esposiciones Nacionales de Belles Artes ente los años 1926 y 1964. Nesti certame ganó xuna segunda medaya, en 1948, con obres como «Puertu de Llastres» y una tercer medaya, en 1945, col cuadru «Mariña Cantábrica».
Ye «espectacular» la forma en que Moré afigura l’Asturies minera y destaca, ente les sos preferencia personales de tolos llenzos que componen la esposición, obrar «Bocamina», de 1934. «Ye realmente espectacular», apunta con entusiasmu.
«Bocamina», 1934
Mariano Moré Cors, xuntu col so hermanu *Evaristo participó n’unu de los principales negocios d’estampación d’Asturies, Litografía Artística Moré). Amás de pintor, tamién foi un sobresaliente dibuxante y hasta foi reporteru de guerra para’l rotativu xixonés «La Prensa», para’l que cubrió la guerra de Marruecos en 1921-23. Tamién destaquen, a finales d’esa década y especialmente mientres la II República los sos trabayos como cartelista, según los dibuxos que publicó, mientres la guerra nel periódicu sindical CNT y los que fixo mientres la so estancia na cárcel del Cotu de Xixón.
