Llévase a cabu’l 3 de marzu de cada añu, col propósitu de concenciar a les persones sobro cómo prevenir la sordera y la perda de l’audición, y promover la salú auditiva en tol mundu. Cada añu, la OMS ye responsable de determinar les temes y preparar materiales promocionales basaos n’evidencia. La OMS convida a toles partes comenenciudes a sumase a esta iniciativa mundial. OMS
Anguaño, céntrase na tema «De les comunidaes a les aules: curiáu de l’audición para tolos neños». Materiales
La campaña s’estructura en redol a dos imperativos:
- Prevenir la perda d’audición evitable na población infantil
- Garantizar la detección precoz de los problemes d’oyíu o audición en neños, según el so tratamientu tempranu
Les comunidaes y les aules faciliten l’accesu a neños, padres y personal docente. Podemos ayudar a los neños a oyer, aprender y tener ésitu por aciu la integración del cuidu de l’audición nos programes de salú escolar y de salú infantil.
Facemos una llamada a l’acción para aprender a identificar problemes d’audición en casa y nes aules y en dotar a padres y docentes de ferramientes para la detección y el tratamientu tempranos, porque…
➡ Alredor de 90 millones de neños d’ente 5 y 19 años sufren perda d’audición.
➡ Más del 60 % de la perda d’audición infantil puede prevenise por aciu l’adopción de midíes de salú pública simples y costoeficaces.
Y ye que, podemos ayudar a los neños a oyer, aprender y tener ésitu por aciu la integración del cuidu de l’audición nos programes de salú escolar y de salú infantil.
Porque curiar l’audición de los nuesos fíos ye garantizar el so aprendizaxe, el so bienestar y el so futuru, güei na aula y mañana na vida.
