Esti domingu depáranos un entamu del mes de marzu con una xornada estable en tol Principáu d’Asturies. Pela mañana prevense intervalos de nubes altes que se van dir moviendose escontra l’oriente, y abrise grandes claros tres elles. Pela tarde vamos esfrutar d’una segunda metá de domingu asoleyada. Los vientos van ser fluexos, pero col intre de les hores dirán afitándose de componente sur nel cordal con raches que van dir aumentando n’intensidá. Les temperatures máximes van xubir en tol interior hasta 6 o 7 ºC más al respective de les anotaes el sábadu, ente que na mariña l’ascensu va ser daqué más moderada (ente 3 y 4 ºC más). Les mínimes van baxar llixeramente nel sector central, calteniéndose ensin cambeos nel restu.
El llunes dirá averándose un frente que va poder afectanos, siquier nel occidente, a lo llargo de la tarde. Pero hasta la so llegada los vientos van soplar de componente sur moderaos polo xeneral con posibilidá de delles raches localmente fuertes nel cordal mientres la madrugada. Les temperatures, gracies a estos vientos, van xubir en tola mariña hasta 4 o 5 ºC en comparanza coles del domingu. Nel restu d’Asturies van caltenese. Les mínimes van xubir de forma notable y xeneralizada.
