Esperamos una xornada estable en tol Principáu. Los cielos van tar asoleyaos dende primer hora de la mañana. Nun va haber posibilidá dalguna de precipitaciones y, a lo sumo, podría reparase dalguna nube baxa en dalgún momentu en zones costeres del occidente principalmente. Los vientos van empezar de sur, sobremanera nel cordal, pero dirán afitándose de componente este a lo llargo del día. Les temperatures máximes van xubir hasta 4 ºC nel cordal y nel suroccidente, y hasta 2 o 3 ºC nel restu de la metá sur asturiana. Na metá norte nun s’esperen cambeos respecto al llunes salvu na mariña central onde, llixeramente, van ser un pocu más baxes. Les mínimes van baxar hasta 2 ºC. Poro, van ser unes temperatures relativamente prestoses con máximes d’hasta 18 o 19 ºC nes primeres hores de la tarde.
El miércoles volveremos esfrutar d’un día soleyeru n’Asturies dende primer hasta última hora. A lo sumo nun se refuguen nuevamente delles nubes baxes en puntos costeros. Los vientos van poder empezar nuevamente de sur, pero se van afitar de componente este col pasu de les hores. Les temperatures apenes van esperimentar cambeos significativos. Les agües van llegar a lo llargo del xueves y van quedase mientres los siguientes díes na nuesa rexón.
