Esperamos cielos pocu nublos o estenos a lo llargo de tola xornada. El sol va rellumar en tol Principáu dende l’amanecer. Los vientos van empezar soplando de sur nel interior pero dirán afitándose d’este col intre de les hores. Comoquier, van ser fluexos polo xeneral. Les temperatures van ser bien similares a les del martes. Sía que non, podríen xubir bien llixeramente en zones altes del cordal y producise un descensu apenes significativu en puntos de la mariña.
El xueves va camudar el tiempu por completu. Vamos Empezar con poca *nubosidad pero rápido van dir aumentando les nubes hasta cubrir per completu’l cielu. Les precipitaciones van dir de menos a más. Van Entrar pol suroeste y pol cordal, pero van acabar afectando a cualquier puntu de la rexón antes de concluyir el día. La cota de nieve va asitiase a última hora en redol a los 1800 metros d’altor. Les temperatures máximes van baxar de forma xeneralizada ente 4 y 5 ºC. Les mínimes, sicasí, van xubir.
El vienres va ser un día cargáu de precipitaciones con nevaes significatives a partir de los 1400 o 1500 metros.
