Muy Interesante / Un estudiu microscópicu demuestra que los nuesos antepasaos neolíticos (nueva edad de piedra) yá realizaben xeres doméstiques como cocinar, llimpiar y tirar la basura. L’estudiu del asentamientu italianu de Molín Casarotto demuestra que fai seis mil años yá esistíen llares entamaos, práctiques de llimpieza regulares y sistemes planiaos para esaniciar basura.
Para caltener en funcionamientu la sociedá, son tan necesaries les actividaes granibles como les de caltenimientu. Faer la compra, tender la ropa o pasar l’aspiradora ayúdennos a sostener el nuesu día ente día y, con él, el mundu que nos arredola. Magar mientres décades l’arqueoloxía prehistórica centróse principalmente n’analizar los grandes procesos históricos, como la doma de plantes y animales, l’apaición de l’agricultura o la construcción de monumentos megalíticos, nos últimos años surdió un creciente interés por reconstruyir la vida cotidiana de les comunidaes antigües. Entender cómo vivíen cotidianamente les persones del pasáu dexa humanizar la prehistoria y averala a nuesa mesma esperiencia.
- Un laboratorio microscópico bajo el suelo neolítico
- Cocinar en casa: hogares, cenizas y rutinas alimentarias
- Limpiar para habitar: el mantenimiento del espacio doméstico
- Tirar la basura: la gestión neolítica de los residuos
- Actividades repetidas, comportamientos reconocibles
- Repensar el Neolítico desde la vida cotidiana
- Referencias
Neolítico: ye’l postreru/últimu de los períodos de la Edá de Piedra (ferramientes de piedra). El Neolíticu ye’l periodu de la Prehistoria onde apaecen les primeres estratexes económiques agrícoles y ganaderes.
Foi consideráu unu de los momentos claves de la hestoria de la humanidá. El pasu d’una economía basada na caza y la recueya, qu’había pervivido mientres centenares de miles d’años, a otra encontada na doma animal y vexetal, produció cambeos revolucionarios que non solo afectaron a los productos consumíos, sinón tamién a la nuesa forma d’entamanos socialmente, a les maneres de vida y los sos efectos sobro’l paisaxe, a la tecnoloxía, a les creencies, etc.
Un nuevu estudiu, publicáu en Archaeological and Anthropological ciences, constitúi un exemplu paradigmáticu d’esti nuevu aproximamientu. La resultancia nun podría ser más revelador: munches de les xeres realizaes fai más de seis mil años, como cocinar, llimpiar o xestionar borrafes, yá siguíen patrones bien similares a los actuales.
Un llaboratoriu microscópicu sol suelu neolíticu
Por aciu analís micromorfológicos d’altu resolvimientu, un equipu d’investigación llogró reconstruyir con estraordinariu detalle les actividaes doméstiques desenvueltes dientro y alredor de les viviendes del xacimientu neolíticu de Molín Casarotto, nel norte d’Italia. La meyora fundamental del estudiu anicia na aplicación de la micromorfología arqueolóxica, una técnica qu’analiza secciones microscópiques de sedimentos intactos. Esti métodu dexa reparar capes casi invisibles de cenices, restos orgánicos, microfragmentos de cerámica o partícules de suelu alteriaes pola actividá humana.
Gracies a esti enfoque, los investigadores pudieron identificar les buelgues de procesos que suelen pasar inalvertíos nes escavaciones convencionales. Asina, el suelu de les viviendes convertíase nun arquivu microscópicu capaz de rexistrar acciones repitíes de xeneración en xeneración, dende l’encendíu de los llares hasta la llimpieza sistemática de los espacios habitaos.
Les amueses tomaes en Molín Casarotto confirmaron la presencia d’acumuladures de materiales frutu de les actividaes doméstiques concretes. Les buelgues d’estos depósitos dexaron identificar zones estremaes para la realización de cada xera: árees de trabayu, zones de tránsitu y espacios destinaos al refugue de borrafes. Asina, el rexistru arqueolóxicu confirma la esistencia d’un espaciu entamáu, de rutines repitíes y d’una clara esmolición pol caltenimientu del llar.
Unu de los afayos más significativos foi la identificación precisa d’árees de combustión acomuñaes a la preparación d’alimentos. Los analises detectaron capes de cenices fines, restos carbonizaos y sedimentos alteriaos térmicamente qu’indiquen l’usu repitíu de llares interiores.
El caltenimientu d’estos llares implicaba retirar dacuando cenices y redistribuir les borrafes. La repetición d’estes acciones demuestra una xestión consciente del fueu y una rutina culinaria establecida, comparable a la llimpieza regular d’una cocina moderna.
Per otru llau, la composición de los restos indica que se llevaron a cabo actividaes culinaries frecuentes y siguíes nel tiempu. Esto confirma que les viviendes funcionaben como auténticos espacios domésticos permanentes y non como abelugos temporales. L’actu cotidianu de cocinar, por tanto, estructuraba la organización espacial del llar y condicionaba otres xeres diaries.
Quiciabes xuno de los aspeutos más sorprendentes del estudiu sía la evidencia clara de práctiques sistemátiques de llimpieza. Les capes sedimentaries amuesen que les superficies barriéronse y anovaron de forma siguida. L’ausencia d’acumuladures caótiques de refugayes nes viviendes indica que los habitantes esaniciaben les borrafes de forma regular. L’orde domésticu, por tanto, ye una conducta fondamente enraigonada na hestoria humana.
Los investigadores, amás, identificaron la presencia tantu de sedimentos amaceraos pol tránsitu continuu como d’evidencies del reacondicionamiento del suelu. Los habitantes de Molín Casarotto añediríen capes fines de materiales para nivelar les superficies o ameyorar la habitabilidad interior. Estos llabores de caltenimientu del espaciu revelen una esmolición pola hixene, la comodidá y la funcionalidad del llar que suel acomuñase coles sociedaes contemporanees.
L’equipu investigador tamién identificó les árees destinaes al refugue. Fora de les zones habitaes, detectáronse acumuladures de cenices, restos orgánicos y fragmentos de materiales procedentes de la llimpieza del interior de les viviendes. La composición y la localización d’estos materiales de refugaya revelen la esistencia de vertideros en llugares concretos del asentamientu. Los habitantes neolíticos, por tanto, estremaben ente los espacios de vida y los espacios de refugaya.
La formación progresiva d’estos depósitos demuestra que la xestión de borrafes yera una actividá planiada. El treslláu de materiales dende l’interior escontra l’esterior ye un reflexu de les práctiques comuñales destinaes a caltener l’orde nel llar, basaes en normes sociales compartíes sobro l’usu del espaciu.
Actividaes repitíes, comportamientos reconocibles. Encender el fueu, cocinar, llimpiar les cenices, barrer el suelu y depositar les borrafes fora de la vivienda son acciones que formaben ciclos repetitivos na vida de les comunidaes neolítiques. Estes rutines doméstiques del pasáu respondíen a necesidaes universales que siguen estructurando la nuesa vida cotidiana. L’estudiu, por tanto, demuestra que la domesticidá (entendida como organización del espaciu, caltenimientu del llar y xestión de recursos) yá taba dafechu desenvuelta nes comunidaes agrícoles tempranes.
L’estudiu de Molín Casarotto ufierta una imaxe sosprendentemente cercana de los nuesos antepasaos neolíticos. Cocinaben n’espacios definíos, llimpiaben regularmente les sos viviendes y xestionaben les borrafes xeneraes pola vida diaria tal que lo faemos nós.
Les resultancies obliguen a reconsiderar la imaxe tradicional del Neolíticu. Llueñe de sociedaes rudimentaries, los habitantes de Molín Casarotto amosaben una planificación doméstica complexa y vezos fondamente enraigonaos. Más allá de los grandes cambeos tecnolóxicos, el trabayu demuestra que munches conductes humanes fundamentales permanecieron estables mientres milenios. La organización doméstica tresfórmase asina n’unu de les traces más duraderes y estables de la esperiencia humana.
Nicosia, C., Dal Sasso, G. y Polisca, F. 2026. «Cooking, cleaning, and tossing: high-resolution analysis of domestic activities at the Mid-Neolithic site of Molino Casarotto (Vicenza, NE Italy)». Archaeological and Anthropological Sciences, 18.4. DOI: https://doi.org/10.1007/s12520-025-02353-w
