Marisa Valle Roso ye una cantante y compositora española formada na tonada asturiana. Nos sos entamos musicales solía formar pareya artística col so hermanu, Fernando.
Les vivencies, les emociones, la música y les sos melodíes, la lliteratura y un llargu etcétera, van rellenando la nuesa base de datos interior creando un espaciu en constante evolución que nos fai a cada individuu únicu ya irrepetible.
Nací y crecí bebiendo de los nuesos antepasaos, de la cultura y del cantar que nos representa a tolos asturianos. La constante molición por beber d’otres agües, d’otros folclores y d’otros xéneros foime conformando como artista. Y si a eso añedímos-y les mio moliciones más personales, pensamientos, observaciones y esmoliciones, como individuu y sobremanera como muyer, surde una necesidá enorme por llevar la mio música más allá y dexar de ser una mera intérprete para pasar a ser la compositora, autora ya intérprete de la mio propia hestoria.