- Hugo Suíssas: web / Instagram /
- Fonte: Cultura Inquieta / Humor Sapiens / The Inspiration grid /
El puntu de vista del fotógrafu portugués Hugo Suissas. La vida ye cuestión de perspectiva y según la que tomemos o la que-y deamos, la realidá puede convertise en daqué risonderu, absurdu ya impensable.
Hai mentes creatives que ven onde nun hai y tienen la capacidá de crear composiciones mentales nes que l’humanu interactúa con una redolada nel que los oxetos, los moblames urbanos o les arquitectures, adopten nueves funciones. Asina ye’l trabayu del fotógrafu portugués Hugo Suissas, una serie de fotografíes surrealistes, allucinantes y máxiques qu’amuesen perspectives y ángulos forzaos.
Convirtiendo simples pontes y paisaxes en llugares fantásticos o oxetos como llaves, frutes y xuguetes para neños n’accesorios máxicos, cada fotografía cunta una hestoria distinta y una idea que nun ye aleatoria.
Suissas ayúdanos a ver el mundu serio y aburrío al que tamos avezaos, d’una manera nueva, interesada y llena d’humor al traviés de los paralelismos que fai ente les formes d’oxetos cotidianos y les redolaes urbanístiques.
