SOBRO LA CONTORNA onde Asturies güel a mazana. La Contorna de la Sidra ye un
territoriu al que dan vida seis conceyos del centru-oriente asturianu. Bimenes, Cabranes, Colunga, Nava, Sariegu y Villaviciosa componen esti espaciu natural con un denominador común: la producción sidrera.
Paisaxe, naturaleza, gastronomía, cultura, arte y ociu son les pieces d’esta Contorna que s’estrema por producir la bébora más popular d’Asturies. Toes elles sumen una interminable llista de curiosos turísticos que la converten cada añu nel destín de miles de visitantes.
En pocos kilómetros cuadraos, que s’estienden ente’l mar y el monte, abrir énte nós un catálogu de propuestes que tenta los cinco sentíos del visitante, xuna ufierta multicolor que se pinta con tolos tonos del paisaxe.
Los conceyos de Bimenes, Cabranes, Colunga, Nava, Sariegu y Villaviciosa van convertise nel escenariu perfectu para esfrutar del paisaxe tiñíu de blancu y rosa, con paseos entre pumaradas, visites a llagares tradicionales y artesanales, conciertos de violín en directu y xuna visita Premium al Muséu de la Sidra en Nava, unu de los grandes referentes del mundu sidreru asturianu.
Anguaño, amás, va ser la primer vegada que se celebre tres la reconocencia de la Cultura Sidrera Asturiana como Patrimoniu Inmaterial de la Humanidá pola UNESCO, un aliciente más pa quien quieran vivir esta esperiencia con tolos sentíos.
La ufierta gastronómica tamién va tener un papel protagonista, con menúes especiales nos restoranes de la contorna, onde la mazana y la sidra van tar presentes en platos como’l melgueru d’ibéricu con agriduz de sidra y mazana, o’l tatín de mazana maridado con Sidra DOP. Los comensales, amás, van poder beneficiase de descuentos en museos y centros espositivos locales.
