- La Laguna del Torollu
31 de mayu de 2025 / 
20:00 hores / 
Auditoriu Príncipe Felipe d’Uviéu /
Cola Banda Sinfónica del Ateneo Musical de Mieres
La sala principal del Auditoriu Príncipe Felipe va acoyer a los ocho de la tarde del sábadu’l poema sinfónicu «13 Reis» compuestu por Yónatan Sánchez Santianes y empobinada pol so hermanu Iñaki Sánchez Santianes. Esti recital va fundir la música sinfónica coles gaites dando llugar a un espectáculu de «enorme vistosidá y calidá» retratando a los reis asturianos.
Mientres l’eventu va haber, según Iñaki Sánchez Santianes, un momentu apoteósicu» con un centenar de músicos sobre l’escenariu. L’actividá taba prevista que se celebrara a principios de payares; sicasí, la catástrofe ambiental asocedida en Valencia por culpa de la dana obligó a suspender los planes.
El poema sinfónicu, con narración introductoria de cada escena, treslladábanos una cronoloxía monárquica de los grandes reis ástures na que los momentos épicos y grandilocuentes fixeron rellumar una pieza potente, poderosa, con aires inmersivos nes batalles, y sobremanera bien afechiscamente apurrida tocantes a estilu y arreglos musicales.
Mención especial tien de recibir la pieza dedicada a la reina que pudo reinar, Mencía, qu’el mesmu director Iñaki Sánchez Santianes dedicaría a la so fía de mesmu nome, y qu’apurrió una visión del empoderamiento de la muyer siendo una pieza tamién enérxica y pimpana, delicada, sicasí, en ciertos desenvolvimientos melódicos, pero con una conmovedora trescendencia al igual que les dedicaes a los sos compañeros reis.
Para finalizar el conciertu “13 REYES” La Laguna del Torollu & Banda Sinfónica del Ateneo Musical de Mieres interpretamos “Asturies Patria Querida” basándonos na partitura qu’aparez na Llei 1/1984, de 27 d’abril, que estableció l’Himnu del Principáu d’asturies y reguló’l so uso.
