Vémonos n’Arenas, tamos contentos de poner un granín d’escanda n’esti festival qu’entama’l grupu Corri-Corri de Cabrales y h.acer alcordanza de tantas muyeres cabraliegas que nos ensiñaren los vieyos sones d’esti conceyu.
Va pa ellas col corazón el nuesu reportoriu, pa Elia d’Arangas, pa Guillermina y Esperanza d’Asiegu, pa Rufina y Guillermina de Bulnes, pa Isabelina d’Arenas, pa las Evangelinas de Ríu, pa María Teresa y Encarnación de Camarmeña, pa Turna, Oliva, Jesusa y Petra de Sotres y pa otras muchas más porque h.ueren muchos llugares y muchos años recopilando la tradición cabraliega…
