- LA SONRISA DEL TYRANOSAURIU. Antoloxía de cuentos fantásticos.
- Autor: Vicente García Oliva/ Incla interior, 156 / 978-84-10345-49-2 / 136 pp. / 13 x 20 cm / 12 €
- Mercar: https://tienda.trabe.org/…/2629-la-sonrisa-del…
- Una esbilla de los munchos cuentos fantásticos que Vicente tien publicao en llibros, revistes y fancines. Esta antoloxía recueye 20 d’ellos, aquellos que por uno o por otro más-y prestaron.
Vicente García Oliva (Xixón, 1944) ye autor de referencia na lliteratura asturiana y ta consideráu’l padre de la novela xuvenil n’asturianu con Fontenebrosa: el reinu de los silentes (1984, 1992, 2011). Con más de 30 títulos, delles obres narratives suyes son: El Norte (1991), reeditada nel añu 2010 baxo’l títulu El Norte. Cuentos 1976-2010; Un par de botes. Cuentos de fútbol (2023), les noveles L’aire les castañes (1989), La vida de siempre (2015) y Los tordos (2023), amás de les xuveniles Elemental, querida Lisa (2007), Fontenebrosa II: la rebelión de los homosaurios, Fontenebrosa III: el final, Diariu d’Enol (1988, 2016), Cuadernu robáu. Diariu de Concha (2015). Ye autor, amás, de dellos ensayos, ente los que destaquen L’aventura humana y lliteraria al rodiu de don Enrique García Rendueles (1992), El ríu soterrañu (2003) o El síndrome de Sherezade (2011). Amás d’ello tien tamién una retafila cuentos pa la reciella: Garulla. Antoloxía del ritmu (2007), Deva y yo (2011), El marineru que perdió’l norte (2016), Xosefa de Xovellanos (2020)… ente más otros.
