Esti vienres sal al mundu “Velea” en tódalas plataformas (na mía canal de YouTube). Nacióu nuna nueite de velea, pa desfogar, pa aselar… ya si esa nueite ía la más curtia del añu, si quier dicir “cambéu”… mechor… A pol solsticiu… a polo que venga…
@verorrubio : composición, interpretación, soníu, imaxe ya poema.
@andydasilva13 : soníu
@arturosantiagophotography : imaxe
@cesar.latorre.music : colín Kawai
@verorrubio publica en plataformes musicales ‘Velea‘, pieza instrumental na que toca sola el pianu de cola 🎹 Amás la multiinstrumentista canguesa continúa componiendo tres de publicar ‘Vou’ y avanza que ta trabayando en más temes.
L’abril pasáu Vero Rubio estrenábase discográficamente con Vou, llibru y discu nel que la canción d’autor, la lliteratura y la imaxen foron de la mano. Agora la multiintrumentista canguesa publica en plataformes musicales un tema nuevu, ‘Velea‘, pieza instrumental na que toca sola el pianu de cola y que vien «d’una nueite de velea por un dolor d’una muela… pa ayudame a nun pensar, foi lo único que fixo que me calmara», desplica l’artista.
»Sácola como single porque nun entróu en Vou por falta de ‘sitiu’, porque Vou ta mui escoyíu, cuenta una hestoria mui concreta», comenta Rubio sobre esti llanzamientu nuevu. Sorraya tamién que quier «l.levar la mochila lo más vacía que pueda, facer música que fale dende mi, pero ensin falar de mi; non cumo pasa en Vou, que puede decise qu’ía autobiográficu».
Nesti sen, Vero Rubio avanza ta trabayando en más temes nuevos que van siguir «dúas vertientes diferenciadas pero col mesmu raigañu: la vertiente de dóus ‘case boleros’ ya una ‘case ranchera’; ya la vertiente tradicional, dende la mía tierra». «Toca esperar, pero vei merecer la pena…», comenta la multiinstrumentista que reconoz tar pasándolo «perbién» con esti procesu.
De la clásica al jazz
La carrera de Vero Rubio desenvuélvese ente’l mundu de la música clásica, onde tuvo la oportunidá de tocar con orquestes como la Orquesta Sinfónica de Barcelona y Nacional de Catalunya (O.B.C.), y el del jazz. Anguaño, toca en dellos grupos de distintos estilos (folk, rock, improvisación llibre, jazz…): Orquesta Céltica Asturiana, Sonámbulos, Improviso… Amás compaxina esti llabor como instrumentista cola composición y producción de la so música de manera independiente, que foi reconocida al algamar el XV Premiu Camaretá al Meyor Cantar con ‘Dixo miou padre‘.
