Les fiestes de San Xuan de Mieres acueyen dieciséis actividaes venceyaes a la música’l país. Marisa Valle Roso, Ferla Megía, Tania Pereira, Sólo y una montonera d’agrupaciones tradicionales formen la programación del 13 al 24 de xunu. Musicasturiana.com
Esti vienres 13 de xunu a les doce la mañana ye’l Barrenazu en Mieres y con elles entama San Xuan, les fiestes grandes del conceyu de la Cuenca’l Caudal. Hasta’l 24 de xunu va allargase una programación bayurosa y diversa na que la cultura y la música n’asturianu va tar bien presente. Marisa Valle Roso, Ferla Megía, Tania Pereira y Sólo son los nomes que van sonar xunto a una montonera d’agrupaciones tradicionales.
Ente los conciertos venceyaos a la música n’asturianu destaquen los de Ferla Megía (sábadu 21 a les 20h na Plaza Requexu), Marisa Valle Roso (sábadu 21 a les 23.30h nel Parque Xovellanos), Tania Pereira (domingu 22 a les 13.30h na cai Jerónimo Ibrán) y Sólo (martes 24 a les 19h nel Parque Xovellanos). Esta última actuación ye la del proyectu nuevu d’Alfredo González que, amás, un día enantes va estrenar en plataformes musicales el so primer single n’asturianu: ‘Foles‘. El tema ta inspiráu nunos versos de la escritora Lourdes Álvarez y va formar parte de Solitud, el primer discu d’esti proyectu que va ver la lluz na seronda.
D’otra banda, delles agrupaciones tradicionales van participar en varios de los eventos programaos como desfiles, actuaciones, talleres o enrame de les fontes. Son L’Artusu, Prau Llerón, Ruxidera, Bandina L’Arrancaera, Banda de Gaites La Laguna del Torollu cola Banda Sinfónica del Atenéu de Mieres y la Banda Gaites Villa de Mieres. El programa completu pue vese online y esti ye un resume de les actividaes venceyaes a la cultura de raigañu y n’asturianu:
- Viernes 13 de xunu
20:30 h. Desfile L’Artusu pel Parque Aníbal Vázquez, cai Aller y caiF. Cabeza. - Sábadu 14 de xunu
11:30 h. Talleres de baille con L’Artusu, Prau Llerón y Ruxidera.
13:00 h. Conservatoriu de Mieres: actuación de Bandina L’Arrancaera.
14:00 h. Parque Xovellanos: Pieslle Armando la Danza Prima. - Domingu, 15 de xunu
13:00 h. Pasucáis, Banda Sinfónica del Atenéu de Mieres y Banda de Gaites La Laguna del Torollu. Percorríu: Pepa La Lechera, cai La Vega, cai Manuel Llaneza, cai Teodoro Cuesta, cai Carreño Miranda, cai Aller y Parque Xovellanos.
13:00 h. Desfile del Grupu de Baile Prau Llerón. Recorrido: Ayuntamiento, cai Vega, cai Jerónimo, Ibrán/Plaza de Requexu.
- Miércoles, 18 de xunu
18:30 h. Parque Xovellanos: Alcuentru col mitu del cantar asturianu Juan Menéndez Muñíz, Juanín de Mieres. - Sábadu, 21 de xunu
13:00 h. Plaza Requexu: Desfile Grupu Baille Ruxidera.
20:00 Plaza Requexu: Ferla Megía.
23:30 h. Parque Xovellanos: Marisa Valle Roso. - Domingu, 22 de xunu
13:00 h. Plaza Requexu: Banda de Gaites Villa de Mieres.
13:30 h. Cai Jerónimo Ibrán: Tania Pererira. - Llunes, 23 de xunu
20:00 h. Enrame de les fontes.
– Grupu de Baille Prau Llerón: Fonte del Ayuntamientu, La Vega y Manuel Llaneza.
– Grupu de Baille Ruxidera: Paséu de la Estación del Vascu.
– Grupu de Baille L’Artusu: Escultura de Pepa “La Llechera”.
– Banda de Gaites Villa de Mieres: Parque Aníbal Vazquez / Cai Cabezas.
21:00 h. Plaza Requexu: Alcuentru grupos de Baille y Banda de Gaites.
00:00 h. Plaza del Ayuntamientu: foguera de San Juan, de la mano del Grupu Folclóricu Prau Llerón.
Martes, 24 de xunu
19:00 h. Parque Xovellanos: Sólo (proyectu nuevu d’Alfredo González).
