@taniapear (Courias, 1988) ye una de les figures más destacaes de la canción d’autor d’Asturies 🎸 Lleva venceyada a la música dende mui moza, cuando participó nel grupu folk Brandal xunto col so pá, el músicu Pedru Pereira. Musicasturiana.com
🎙️La so carrera como solista yá dura más de 10 años y nella l’asturianu siempre tuvo presente cola publicación de dalgunos cantares nesta llingua. Próximamente va llanzar el so segundu trabayu de llarga duración, ‘Rousa de Xericó’.
Con ella siguimos cola estaya La Banda Sonora De..., una serie d’entrevistes de personalidá acompañaes d’una playlist de Spotify na que cada persona entrevistada escueye los 20 cantares que más-y presten.
Tania Peireira (Courias, 1988) ye una de les figures más destacaes de la canción d’autor d’Asturies. Lleva venceyada a la música dende mui moza, cuando participó nel grupu folk Brandal xunto col so pá, el músicu Pedru Pereira. La so carrera como solista yá dura más de 10 años y nella l’asturianu siempre tuvo presente cola publicación de dalgunos cantares nesta llingua. Próximamente va llanzar el so segundu trabayu de llarga duración, Rousa de Xericó, nel que va sonar canción d’autor electroacústica entemecida con folk, bases de percusión electrónica minimalista, voces, synths y vientos; dando como resultáu una orixinal propuesta.
Con ella siguimos cola estaya La Banda Sonora De…, una serie d’entrevistes de personalidá acompañaes d’una playlist de Spotify na que cada persona entrevistada escueye los 20 cantares que más-y presten.
«La primer vez que xubí a un escenariu foi nun conciertu benéficu en Cangas del Narcea, en sofitu a los mineros en güelga del Patatero. Sentí nervios, nervios y nervios, pero contenta de que la mia voz resonara por dalgo tan xusto»
- ¿Cuándo foi la primer vez que xubisti a un escenariu y que pasó enantes, durante y depués? Foi nun conciertu benéficu en Cangas del Narcea, en sofitu a los mineros en güelga del Patatero. Nervios, nervios y nervios, pero contenta de que la mia voz resonara por dalgo tan xusto.
- ¿Qué ye lo más inxusto de ser artista? Que namás cuenten los minutos que tas en pie nel escenariu, ya si l’algoritmu nun te quier, nun te quier naide….
- Si fueres Conseyera de Cultura, ¿qué son les primeres coses que fadríes? Que nun zarren los colexos de música nos sitios más apartaos del centru la rexón. Ya que nun zarren sitios cumu La Salvaje, onde la música en directo daba espaciu tanto a artistas emerxentes cumu consolidaos.
«Que nun zarren los colexos de música nos sitios más apartaos del centru la rexón. Ya que nun zarren sitios cumu La Salvaje, onde la música en directo daba espaciu tanto a artistas emerxentes cumu consolidaos»
- Enantes de ser artista de la música asturiana, de xuru que sentisti o visti en directo a más compañeros y compañeres d’esta escena. ¿Quién te marcó y t’animó a xubir al barcu de facer música n’asturianu? Ensin dulda’l miou pá, Pedru Pereira, ya la mocedá de Xedré, siempres comprometía cola cultura ya’l folklore.
«pablopablo ta ayudándome a subime un poucu al tren de la modernidá, ya escribir cumu si lo fixeras nel diariu»
- Yá conocemos les tos recomendaciones y influencies… agora toca que te confieses: ¿cuál ye esi cantar o esi grupu qu’escuches culposamente “na intimidá”? Agora mesmo tengo que reconocer que pablopablo. Viniendo you de buscar na mía escritura’l sentíu más poéticu… ta ayudándome a subime un poucu al tren de la modernidá, ya escribir cumu si lo fixeras nel diariu. Eso d’escundese nel doble sentíu, ya metáforas parez que yá nun se l.leva…
- ¿A qué personaxe públicu convidaríes a un conciertu tuyu, a pasar llueu pel backstage y pa qué? Nel equí y agora voi tener que dicir el miou preferíu, Ben Howard, porque la so música foi la pieza que me faltaba por encaxar. Nun-y preguntaría demasiao, yá sabemos, «enxamás conozas a los tos ídolos». Sicasí, Luis Eduardo Aute sería l’artista col que me tuviere prestao pasar horas sintiéndolo falar.
- Yá qu’escoyisti la to “Banda Sonora Vital”, vamos rematar con una Banda Sonora Orixinal. ¿De qué llibru n’asturianu te prestaría qu’hubiere una película a la qu’amás pongas-y tú la BSO? Ía una traxi-comedia teatral, País: Una Tragicomedia asturiana de Dolfo Camilo Díaz. Nun solo fairía la música pa salime un pouco de la mía zona de confort, tamién prestaríame la escenografía ya decoráu. Tamién imaxinaría un viaxe atmosféricu de loops de guitarra ya saxu p’acompañar l’amistá ya l’aprendizaxe de principiar esnalar na vida na Historia d’una gavilueta y del gatu que la deprendió a esnalar (Ye una traducción ya yá tien película! pero reinterpretaríala).
