- THE ASTURIANER N 42 / Títulu EL RETORNO / Autora ELIZA SOUTHWOOD /Testu LETICIA SÁNCHEZ RUIZ / @elizasouthwood ./ @letisaurus ./ @theasturianer .
Asturies llate más allá de los sos montes.
La emigración ye borrina nos valles, salitre na mariña: parte del paisaxe y de l’alma.
La torna nun ye solo un deséu, ye un llatíu nos casi 300.000 asturianos que, tean onde tean, sienten la tierrina so los pies.
142.094 viven nel estranxeru, sobremanera n’Arxentina y Bélxica.
Asturies, segunda diáspora tres Galicia, nun escaez nin ye escaecida. Tres la pandemia, el regresu empieza a ser realidá y créase la Oficina de la Torna, para texer les pontes de la vuelta a casa de quien partieron pero nunca dexaron de ser d’equí.
Estes pontes que tan bien conoz Eliza Southwood. Ilustradora, pintora, grabadora y arquiteuta. Formada n’Arquitectura en Glasgow y Londres, con máster n’Inxeniería Ambiental y Sostenibilidá.
Tres una década como arquitecta n’estudios como Eric Parry y Arup en Londres, dedícase por completu al arte. La so obra gráfica ilustró encargos para’l Victoria & Albert Museum, Bloomsbury Publishing, Brompton Bicycles o Conu Sur Wines.
La so temática más reconocida: el ciclismu. Pero tamién esquiza la figura humana, paisaxes rurales ya industriales, siempres con una mirada única. Foi galardonada con múltiples premios como’l AOI Poster Prize for Illustration (bronce 2017, oru 2019), el Cadisch rize for Printmaking, y menciones en certames asturianos como’l Premiu de Pintura de Villaviciosa y el Muséu Zabaleta respuenden por la so trayectoria.
Espón a nivel internacional y anguaño trabaya dende la so galería-taller de Villaviciosa especializada en serigrafía y linograbado.
Una vegada más Leticia Sánchez vuelve faer maxa coles sos palabres.
