Avilés algama’l millón de quilos de bonitu vendíu cuando entá falten meses por que remate la campaña. Nes pescaderíes, el preciu del bonitu baxa a la metá dende l’entamu de la costera y asítiase en 10 euros. El preciu del bonitu baxa a la metá dende l’entamu de la costera y asítiase en 10 euros.
Nes últimes selmanes la rula tuvo recibiendo decenes de miles de quilos de bonitu. La selmana pasada vendiéronse 260.000 quilos y no que va d’esti unos 80.000 quilos. A estes altures de la costera, y cuando entá falten meses por que se dea por rematada, yá se superó’l millón de quilos vendíos, a solu 400.000 quilos del total vendíu en tola temporada del añu pasáu.
Estes cifres son posibles, según los espertos, porque hai muncha carnada, principalmente bocarte, lo qu’atraxo al bonitu hasta la mariña Cantábrica, especialmente’l Golfu de Vizcaya, y que tamién les embarcaciones pequenes de caceo según les de tanqueo tán saliendo a buscalo. Otros años, esto nun asocedía hasta entráu’l mes d’agostu, inclusive hubo años en que migraben de los Azores al norte, ensin casi llegar al Cantábricu.
Nes pescaderíes, el preciu baxó a la metá dende l’entamu de la costera y baxó 10 euros dende’l mes pasáu a este.
La previsión ye que la costera termine como añu anteriores, nel mes d’ochobre. La cuota establecida pol Ministeriu para anguaño ye de 26 millones de quilos, y entá queden por consumir unos 17 millones de la cuota.
