Los ganadores del I Concursu d’Horros del Festival ADAR: El primer premiu foi concedíu ex aequo a dos proyectos que destaquen pol so compromisu cola vida cultural y la puesta en valor del patrimoniu rural asturianu:
- Casería de Paz Mesa y Xandru González (Puerma, Les Regueres) Xandru González Fernández y Paz González Mesa dedíquense viviegamente al caltenimientu de la cultura tradicional asturiana. Presentaron un conxuntu patrimonial compuestu por trés horros que formen parte d’una quintana tradicional, xuntu cola casa, el llagar y la corte. Ente ellos destaca un horru del sieglu XVI, decoráu nel denomináu estilu Villaviciosa, tamién conocíu como decoración medieval.
- Susacasa agrocultural – Keko Marcos y Sandra Murillo (Susacasa, Gozón) Un espaciu de permacultura onde s’integren actividaes ecolóxiques y culturales. La so propuesta visibiliza el territoriu como un espaciu vivu, con una gran panera activada pa usos comuñales, educativos y artísticos.
- Dotación: Cada proyectu premiáu va recibir xuna dotación de 300 €.
- Segundu y tercer premiu: Declaraos desiertos.
- Conciertos incluyíos: 5 d’agostu en Susacasa (Gozón) / 11 d’agostu en Puerma (Les Regueres) Esta reconocencia celebra la capacidá de dambos proyectos pa caltener vivos y útiles los nuesos horros como llugares d’alcuentru, tradición, aprendizaxe y cultura.
