- Fonte: TPA /
La obesidá infantil tuvo «della estabilidá». Los menores con obesidá, sobre manera dende los 6 años y de forma más intensa na adolescencia, presenten más comorbilidaes que los que nun la tienen, lo que los fai consumir ente un 40% y un 60% más de fármacos, sobre manera antidepresivos, psicoestimulantes o corticoides, ente otros.
Son dalgunes conclusiones d’un informe asoleyáu pol Ministeriu de Sanidá, el más completu fechu hasta la fecha colos datos d’histories clíniques directos recoyíos por profesionales d’Atención Primaria y rexistraos na Base de Datos Clínicos d’Atención Primaria (BDCAP).
La publicación analiza la prevalencia de sobrepesu, obesidá y obesidá severa na población infantil en 2023 dende los datos de 237.460 neños de 10 comunidaes de 0, 1, 2, 4, 6, 12 y 14 años (edaes nes que se programes les visites de siguimientu del programa de salú infantil en pediatría de Primaria) y un análisis evolutivu dende 2013.
