El Bioparc y la Universidá entamen la primer campaña d’observación de la carabela portuguesa na mar d’Asturies. Van investigar cómo neveguen y cómo se distribuyen pa predicir la so llegada a les sableres del Principáu.
El primer exemplar de carabela portuguesa que llegó al Acuariu foi recoyíu esta selmana na sablera de Xagón señala Reyes Descalzo, conservadora del Bioparc Acuariu de Xixón.
Hasta agora los adultos nun sobrevivíen más qu’unos pocos díes fuera del mar abiertu, polo que facía mui difícil el so estudiu asegura Fernando González Taboada, científicu titular nel Centru Oceanográficu de Xixón (IEO-CSIC).
Al descubrimientu de la so bioloxía xune l’interés por saber cómo se mueven y lleguen a les nueses costes dende zones tropicales. Drones, vehículos submarinos y embarcaciones van dexar al Oceanográficu y a la Universidá d’Uviéu faer el siguimientu n’agua apunta Carlos Cuadrado, técnicu de la Universidá d’Uviéu. Piden amás la collaboración ciudadana.
Un proyectu financiáu pola Axencia Estatal d’investigación al que se sumaron tamién la Universidá de Les Palmes de Gran Canaria y l’Institutu de Ciencies Marines d’Andalucía.
