Avilés conviértese durante ocho díes na capital folk d’Asturies col XXVIII Festival Intercélticu. Del 19 al 27 de xunetu van actuar quince artistes y agrupaciones asturianes xunto a otres d’Escocia, Irlanda, Bretaña y Galicia.
Cartelu de la XXVIII edición
- Fonte: Musicasturiana.com / entrada /
Del 19 al 27 de xunetu va desendolcase’l @festivalintercelticu a nel que participen 15 agrupaciones y artistes d’Asturies xunto a otres d’Escocia, Irlanda, Bretaña y Galicia 🍀 La representación d’Asturies ye L’Andecha Turcipié, @pandereterasdesomiedo2024 , @herbamora , @bglatarabica , DJ Fon-T, @losgascones , @hector_braga , @esbardu_ , Mentobardi, @orquestacelticaasturiana , @bandagaitescorvera , @soipanderetera y @bgguestia .
A les doce la mañana del sábadu 19 arranca la programación cola III Edición de los premios Gausón nel Palaciu de Valdecarnaza. Nella van participar la Banda Gaites La Tarabica -formación asturmadrileña creada en al rodiu la Casa d’Asturies de Guadarrama-; y Mentobardi, proyectu folk de Mento Hevia nel qu’interpreta la viola de gamba. Esi mesmu día la BG La Tarabica actúa a les 14h nel Parque’l Muelle y a les 19 hai un pasucais de bandes de gaites de la Comarca d’Avilés. La xornada complétase a les 20h cola Esbilla de Bandes de Gaites de la Comarca d’Avilés na que participen les d’Esbardu -organizadora del eventu-, La Tarabica y Corvera d’Asturies y, a les 22h, cola Nueche en Danza na que toquen Soi Panderetera, L’Andecha Turcipié, amás d’haber escenariu abiertu. Dambes cites son nel Parque’l Muelle.
Pal domingu 20 Los Gascones toquen a les 13h nel Parque’l Muelle; La Tarabica fai dellos pases y Pandereteras de Somiedo actúen a les 20h na Plaza Pedro Menéndez. Los conciertos asturianos rematen esi día cola Orquesta Céltica Asturiana (22h, Plaza Pedro Menéndez) y DJ Fon-T (23.30h, Parque’l Muelle), proyectu qu’entemez cantares populares, muñeires y xotas con bases rítmiques actualizaes.
Héctor Braga y Herbamora
La programación continúa’l llunes 21 con pasucais d’Esbardu pela mañana y les actuaciones y pasucais pela tarde de les bandes de gaites Esbardu, Picos d’Europa y Güestia. Pela nueche ye’l conciertu d’Héctor Braga, que va interpretar a les 22h nel escenariu de la Plaza Pedro Menéndez l’espectáculu del so discu nuevu, Rabil. Nesi mesmu espaciu y hora, pero’l martes 22, tamién amuesen Herbamora‘l so trabayu últimu, 286 Llunes.
Les agrupaciones d‘Escocia, Irlanda, Bretaña y Galicia protagonicen los díes vinientes con delles actuaciones. Les formaciones d’Asturies van compartir espaciu con elles nos desfiles El Trunfu de los Países Celtes (participa Esbardu’l vienres 25) y nel espectáculu Nueche Máxica Lluna Celta (22h na Plaza Pedro Menéndez)
El sábadu 26 Corvera va acoyer delles actuaciones nes que la Banda Gaites Corvera d’Asturies va ser l’anfitriona y esa mesma nueche axúntense nel Parque’l Muelle (23.45h) un Fest-Noz bretón y una Foliada gallega. La programación complétase’l domingu 27 colos desfiles y ceremonies d’Esbardu xunto a les agrupaciones visitantes y cola actuación de la Orquesta Céltica Asturiana interpretando l’himnu del F.I.A. Un pieslle que tien llugar a les 19.30h na Plaza Pedro Menéndez.
