Una esplosión d’enerxía y coloríu: asina ye’l cartelu de San Mateo n’Uviéu (esplicáu polos sos autores) Matteo Mastronardi ya Inés Iglesias diseñen una obra que remembra «piñates y cais engalanaes». LNE
«Una esplosión de color y movimientu que remembra piñates y cais engalanaes». Asina se refieren Inés Iglesias y Matteo Mastronardi, autores del cartelu de San Mateo d’anguaño, a un diseñu col qu’afirmen pretender unviar «una invitación a esfrutar, a xuntase y celebrar per tolo alto San Mateo».
Estos diseñadores creativos fundadores del espaciu Los Patos de París en 2009, qu’amás de dúo profesional son pareya sentimental, esperen qu’esti big bang del bon rollu suponga un aliciente más por que los uvieinos échense a la cai del 11 al 22 de setiembre.
Mientres la so intervención, esplicaron l’usu de los colores, les formes y l’universu visual que representa a Uviéu 2031.
“El logotipu ye un sistema visual basáu nun círculu que dexa múltiples combinaciones. Queríamos que fora abiertu, que representara a toles persones, cultures y tradiciones implicaes nel procesu.”
