TPA /
Calvo señala que nun ye necesario activar nengún protocolu especial pola calidá del aire. El fueu dexa una capa trupa de cenices que tapa’l sol. Una cortina mariella tirando a gris que, sicasí, nun necesita, dixo Alejandro Calvo, conseyeru de Movilidá, Mediu Ambiente y Xestión d’Emerxencies, activar nengún protocolu especial pola calidá del aire.
Seya como fuera, el Sepa encamienta’l confinamientu y l’usu de mázcaros a los habitantes de les árees más perxudicaes pol fumu y la ceniza.
Esta capa trupa nun desapareció en tol domingu. Ye un mar de povisa y de polvu sah.arianu en suspensión el qu’encapotó’l cielu del Principáu.
El gobiernu afita que l’aire nun ye peligroso pa la salú, anque encamienta a les persones mayores y con dificultaes respiratories de les árees afectaes pol fueu a que se confinen nes sos cases.
La nubosidá turbia que nos cubre güelse solo nel suroccidente, que va tener qu’aguantar hasta’l miércoles, día nel que se prevé que llegué’l deseáu mugor.
Cuesta alendar y va costar tamién asimilar que paraxes ensin igual nun volverán ser lo mesmo.
