Amigues de la Tierra acaba de presentar esta web que te dexa calcular cuál ye la to buelga ecolóxica y ver cuántu ye posible aforrar n’emisiones de CO2, combustibles fósiles y nel usu de tierra con uno alimentación basada n’alimentos agroecolóxicos producíos na nuesa redolada próxima.
Esta Dieta climática básase n’una investigación na que demostremos que podemos producir el 99 % de los alimentos para abastecer a tola población nel nuesu territoriu de forma agroecolóxica. Respuende a los encamientos d’Organización Mundial de la Salú, y consiste en triplicar el consumu de llegumes, doblar el de frutes y verdures, amenorgar a la metá l’azucre y amenorgar el consumu de carne nun 75%.
Los nuesos sistemes alimentarios condicionen los ecosistemes. “Según el modelu qu’utilicemos, podemos respetar la vida o afectar de forma negativa con graves impactos sociales y ambientales, como ye’l casu de l’agricultura y ganadería industrial. Un modelu que provoca deforestaciones masives, perda de biodiversidá, escosamientu del suelu, contaminación, escasez d’agua y contribúi a agravar la crisis climática”, señalen dende Amigues de la Tierra.
La ONG propón una dieta climática, un menú que non yá pon el focu nos alimentos que consumimos, sinón nel modelu de producción que precisamos: un sistema alimentario basáu na agroecoloxía, la proximidá, alimentos de temporada y cultivos a pequena escala.
“Esti cambéu nun ye individual. Ye necesariu primir a les alministraciones por que lo promuevan”, añeden. “Ye crucial camudar les polítiques públiques para llograr unu tresformamientu estructural del modelu. Precisamos que la nuesa manera d’alimentanos forme parte d’un sistema alimentario xustu que curie la naturaleza”.
Los datos nos que se basa Amigues de la Tierra para faer les estimaciones apurríes en dietaclimatica.org vienen de una investigación ellaborada pola ONG xuntu al CSIC el pasáu mes de xunu, y na que se demuestra que ye posible producir el 99% de los alimentos para abastecer a tola población nel nuesu territoriu de forma agroecolóxica”, afirmen.
Esti modelu “respuende a los encamientos d’Organización Mundial de la Salú, y consiste en triplicar el consumu de llegumes, doblar el de frutes y verdures, amenorgar a la metá l’azucre y amenorgar el consumu de carne nun 75%”.
Na web pueden consultase, amás, menúes de temporada y recetes agroecolóxicas, “llibres de pesticidas, llibres de CO2, llibres d’un consumu escomanáu d’agua que te van facilitar el camín escontra una dieta climática”, conclúin dende Amigues de la Tierra.
Hacia un modelo alimentario más justo y saludable para las personas y el medio ambiente
