¡Camudamos d’estación! La seronda de 2025 nel hemisferiu norte va empezar el día 22 de setiembre a les 20 hores 19 minutos, hora oficial peninsular según cálculos del Observatoriu Astronómicu Nacional (IGN). Esta estación va durar aprosimao 89 díes y 21 hores, y va terminar el 21 d’avientu, col empiezu del iviernu. Nel momentu que la seronda empieza nel hemisferiu norte, nel hemisferiu sur empieza la primavera.
El cielu mientres la seronda de 2025. Al empiezu de la seronda, el cielu tres la puesta de Sol, va tener a Marte y Saturno como únicos planetes visibles. Mercuriu va incorporase unos díes dempués del empiezu de la estación. Mercuriu y Marte podrán vese hasta mediaos de payares.
Los amaneceres, otra manera, van dexar ver a Venus y Xúpiter mientres tola estación. El primeru va poder vese hasta finales de payares, cuando va faer la so apaición Mercuriu.
Tocantes a les estrelles y constelaciones visibles al anochecer na seronda, va destacar el triángulu de branu, formáu por Deneb nel Cisne, Vega en Llira y Altair na Águila, que va siguir siendo visible mientres la primer parte de la estación, anque gradualmente a menor altor sobre l’horizonte oeste.
A midida que avancen los meses, vamos ver surdir pel este les constelaciones de Pegasu, Andrómeda y Perseo, y a la fin de la estación van apaecer les constelaciones de Tauro y Orión, que van algamar la so máxima rellumanza mientres les nueches d’iviernu.
Más info 
https://astronomia.ign.es/web/guest/inicio-estaciones/otono
