Moscovitas® Rialto: un sieglu de tradición asturiana cola mirada puesta nel futuru. A les puertes del so centenariu, caltienen la so esencia y sabor al pie de el so compromisu cola innovación. LNEEn plenu corazón d’Uviéu, les Moscovitas® de Rialto siguen siendo’l secretu meyor guardáu de la repostería asturiana.
Estes fines pastes d’almendra marcona y chocolate belga, ellaboraes una a una dende fai xeneraciones, son muncho más qu’una receta: son un emblema de tradición, de sabor y d’hestoria compartida.
En 2026, Confitería Rialto va cumplir el so primer centenariu, un finxu que la casa prepara cola ilusión de quien celebra cien años de dedicación artesanal, pero tamién cola responsabilidá de siguir sosprendiendo a quien fixeron posible esti legáu: los sos veceros. Dende’l so obrador n’Uviéu hasta les sos confiteríes, cada Moscovita caltien intacta la esencia de la receta orixinal, pero’l futuru llega acompañáu de nueves propuestes y escenarios.
Una de les grandes novedaes foi l’apertura d’un pop up na Terminal 4 del Aeropuertu Adolfo Suárez Madrid, onde viaxeros de too el mundu pueden afayar y llevar consigo un pedacito d’Asturies. Un pasu qu’asitia a Moscovitas® nun escaparate internacional, calteniendo siempres la esencia de lo fecho a mano.
Pero en Rialto la innovación nun s’entiende ensin compromisu. Nos últimos meses, la confitería quixo reforzar el so llau más solidariu con iniciatives como la so participación nel proyectu “Uviéu, Ciudá Inocente”, impulsáu pola Fundación Inocente. Para la ocasión, creó l’Inocente de Moscovita”, una edición especial que puede adquirise nes sos confiteríes y que la so recaldación va destinase a proyectos benéficos.
A les puertes d’un aniversariu tan especial, Rialto demuestra que tradición y modernidá nun son opuestos, sinón caminos que s’enxareyen. Cien años dempués, los sos Moscovitas® siguen siendo’l meyor embaxador de la excelencia asturiana: una especialidá que conquista cielos la boca, emociona y dexa buelga.
