Uviéu prepárase pa 12 díes de fiesta por San Matéu

San Matéu entamará’l xueves 11 de setiembre col pregón y el chupinazu. El maratón festivu de San Matéu, n’Uviéu, arranca esti añu de xueves, el 11 de setiembre, col pregón al cargu del embaxador d’España en Canadá y el chupinazu de la campeona de Kárate Eva Otero.

Con muncha música, rock na plaza Feijóo, 24 conciertos n’El Paragües y El Campillín y La Ería preparada yá p’acoyer los de pagu, destaca Covadonga Díaz, conceyala de Fiestes d’Uviéu.

Habrá 13 casetes hosteleres en La Catedral y Porlier y otres 24 n’El Campo San Francisco, qu’agospiará les actividaes pa los más pequeños. Son 12 díes de fiesta con un presupuestu de 1,2 millones d’euros pa un modelu que se caltién.

El 15 de setiembre sedrá’l Día del Real Uviéu y el 19 el gran desfile d’América n’Asturies. El 20, sábadu, los fueos dende Montecerrao. La romería d’El Cristo, el domingu 28, pondrá’l ramu a un mes de fiesta.