RTPA /
Los productores aseguren que la collecha d’anguaño ye mui bona en cantidá y calidá. La recoyida de quivi mariellu ta a nada de rematar. Anguaño, prevése que n’Asturies se superen les 300 tonelaes d’un frutu del que foi aumentando la demanda nos últimos años.
De les daqué más de 300 tonelaes de quivi mariellu que se van recoyer n’Asturies, unes 250 salen de diez hectárees d’esti plantíu de La Rodriga. Aseguren que la collecha d’anguaño ye mui bona en cantidá y calidá.
El bon tiempu, dende’l branu hasta agora, con sol y temperatures altes, ye bien beneficiosu pa la crecedera d’esta fruta, esplica Rafa Olivo, director xeneral de ‘Kiwis La Rodriga’.
Precisamente, la recoyida del quivi verde, confíen en qu’empiece’l 10 de payares. Calcúlase que n’Asturies van collechase unes 4.000 tonelaes, ente un 20 y un 30 por cientu más que l’añu pasáu.
