«Nes redes sociales predomina l’odiu,
les mentires (noticies falses) y l’agresividá»
“La tecnoloxía puede esclavizar a la humanidá”. Nel so recién discursu al recibir el Premiu Princesa d’Asturies de Comunicación y Humanidaes 2025, Han sollertó sobro’l poder de la tecnoloxía ensin control: “La tecnoloxía ensin ética puede adquirir una forma monstruosa y volver a esclavizar al ser humanu”.
Nel so acertáu diagnósticu de la sociedá Neolliberal, Byung Chul Han, alvierte qu’unu de los signos más esmolecedores de la manera de ser actual ye’l de l’aceleración xeneralizada» de la vida y les sos ocupaciones.
D’esta manera , la compulsión pola priesa y l’aceleración espándese ,dende la esfera de lo llaboral , escontra’l tiempu llibre. Conquistando, so esa lóxica, tol tiempu del día . Esta peligrosa absolutización de la priesa produz una nueva manera de ser del humanu caracterizáu, en bona midida, pola ausencia d’inactividá y contemplación. Esto causa que , inclusive nel nuesu tiempu cotidianu consagráu al descansu , tamos sometíos al imperativu de producir y rindir. Asina ye como perdemos el sentíu del ociu.
Lo primariamente humanu ye’l silenciu y la contemplación. Magar ello, güei, la esistencia humana, en xunto, esta siendo absorbida pola actividá”. Ensin nengún tiempu para la observación contemplativa, l‘home degrádase a la condición d’autómata, que solo val la funcionalidad-utilidá de los sos movimientos y posibilidaes corporales. Hai que caltener esti armazón ensin espíritu dafechu sanu y granible. Acordies con Han (2018) esti cuerpu sanu puede interpretase como analoxía d’una máquina perfectamente aceitada y llimpia.
“La producción totalizose güei convirtiéndose na única forma de vida. La histeria cola Salú ye, en postreru termino, la histeria cola producción”
“Los llogros culturales de la humanidá, a los que pertenez la filosofía, débense a una atención fonda y contemplativa. La Cultura rique una redolada nel que sía posible una atención fonda”
El filósofu afirmó que vivimos nuna era na qu’el smartphone yá nun ye la nuesa ferramienta, sinón que nos usa a nós. Han alvierte que la combinación d’algoritmos, plataformes dixitales ya Intelixencia Artificial puede conducir a una forma de dominiu invisible onde l’individuu conviértese en productu.
El so llamáu: recuperar autonomía, valores humanos y una ética fuerte primero que sía demasiao tarde.
El so llamáu: recuperar autonomía, valores humanos y una ética fuerte primero que sía demasiao tarde.
