¿Pero sabes que ye realmente’l Samaín? Nes cultures de raigañu celta marcaba’l final del branu y l’entamu de los meses más escuros del añu. Tamién se consideraba como l’entamu del añu nuevu. Nestos díes, les ánimes de los difuntos vuelven para pasiase ente los vivos y a percorrer los caminos y cases onde habitaron.
Malapenes haya un rincón d’Asturies esta fin de selmana en el que nun se celebre una fiesta o actividá ambientada nes tradiciones del 31 d’ochobre y el 1 de payares.
Sesiones de maquillaxe y cuentacuentos, actuaciones musicales y espectáculos familiares, fiestes y desfiles d’amarutes son les pieces principales d’unes programaciones que, en dellos casos, estiéndense casi una selmana. La mayoría d’estos planes de Samaín / Halloween tán dirixíos a los más pequenos, pensaos para compartir y esfruta.
