Dempués d’anunciar la participación de Celtas Cortos y NUBERU, estos últimos díes confirmó la presencia de @Marisa Valle Roso y Xune Elipe, voz de Dixebra Rock n’Asturianu
Amás, continúen la campaña de micromecenalgu y tán acabante d’anunciar otra orixinal actividá pal so aniversariu: una hamburguesa de Los Gaiteros del Carbón.La banda Gaiteros del Carbón, nacida nes cuenques mineres y referente de la música tradicional asturiana, sigue sumando nomes emblemáticos al cartelu del so Conciertu del X Aniversariu. Dempués d’anunciar la participación de Celtas Cortos y Nuberu, estos últimos díes confirmó la presencia de Marisa Valle Roso y Xune Elipe, voz de Dixebra y figura central de la música n’asturianu dende los años 80. Amás, continúen la campaña de micromecenalgu y tán acabante d’anunciar otra orixinal actividá pal so aniversariu: una hamburguesa de Los Gaiteros del Carbón.
El conciertu especial va celebrase’l sábadu 10 de xineru de 2026, a les 20:00 hores, nel Teatru José León Delestal de La Felguera (Llangréu), dientro del proyectu financiáu al traviés de la campaña de micromecenalgu en Verkami. Esta cita promete ser una celebración única que xune delles xeneraciones d’artistes pola música y la cultura asturiana.
Nesti actu, Gaiteros del Carbón van tar acompañaos por trés músicos asturianos de reconocíu prestixu: Rubén Bada (guitarres), Juanjo Díaz (batería y percusiones) y Ramón Prada (teclaos y baxu), que se va encargar, xunto col director de la banda Pablo Carrera, de los arreglos y la dirección musical. Tamién van participar artistes convidaos, ente los que yá ta confirmáu’l conocíu grupu castellanu Celtas Cortos, los míticos Nuberu, l’artista llangreana Marisa Valle Roso y Xune Elipe.
Hamburguesa especial
Dientro de les actividaes especiales del aniversariu, la banda presentó la hamburguesa oficial Gaiteros del Carbón, en collaboración col llocal llangreanu La Candelaria de Mela, disponible en carta dende’l sábadu 22 de payares. Amás, dempués d’algamar el primer oxetivu con éxitu de la campaña de micromecenalgu, labanda plantega un segundu oxetivu de 5.000 euros col fin d’ampliar la producción del conciertu, meyorar los materiales de la esposición y dar prioridá d’asientu a tolos mecenes nel Teatru José León Delestal. “Ver que llegamos tan llueu al primer oxetivu demuéstranos el sofitu y el cariñu de la xente. Agora queremos siguir medrando y facer que los mecenes sientan esta celebración como suya», espliquen dende la formación.
