Gaiteros del Carbón somos una banda de les cuenques mineres qu’en 2026 facemos 10 años. Queremos celebrar esti aniversariu como se merez, con un conciertu especial, una esposición que recueya la nuesa historia, y unos detalles conmemorativos pa recordar esti camín. El conciertu especial va celebrase’l sábadu 10 de xineru de 2026, a les 20:00 hores, nel Teatru José León Delestal de La Felguera (Llangréu). Esta cita promete ser una celebración única que xune delles xeneraciones d’artistes pola música y la cultura asturiana. Musicasturiana.com
Nel escenariu, Gaiteros del Carbón van tar acompañaos polos reconocíos músicos: Rubén Bada – guitarres Juanjo Díaz – batería y percusiones Ramón Prada – teclaos y baxu Ramón Prada comparte col direutor de la banda, Pablo Carrera, el llabor d’arreglos y direición musical. Nel conciertu van participar artistes convidaos como Celtas Cortos, Nuberu y Marisa Valle Roso o Xune Elipe, entre otros.
Gaiteros del Carbón. Una banda comprometía con Asturies, que fusiona la música de raigañu cola minería, señes identitaries de la cultura asturiana.
Otra de les novedaes importantes que dio Gaiteros del Carbón estos últimos díes ye que son la imaxe oficial de la nueva camiseta del Real Oviedo pol Día de Santa Bárbara. «Ye una honra enorme que refuerza’l venceyu col mundu mineru y cola cultura asturiana y agradecemos fondamente’l sofitu del públicu, de los mecenes y de tolos colectivos que tán arropando esti proyectu tan especial», conclúi la banda gaites de les cuenques mineres.
Gracias @gaiterosdelcarbon por haber sido nuestros cómplices en este lanzamiento y por deleitarnos con una de las bandas sonoras que más enorgullece a nuestra tierra 💙 #OrgulloDeAsturiasOrgulloMinero 🖤💛 #RealOviedo 🔵⚪
