Semeya de Nay Semeya.
Lleva tocando la pandereta dende los 6 años, ye cofundadora y componente d @herbamora y de @xeitu_asturies y, dempués de toa una trayectoria dedicada a esti instrumentu -anque nunca de manera profesional-, @maritruherbamora «Trubia», da agora da el pasu a poner clases de pandereta 🎶 A partir del 9 xineru, nel Hotel d’Asociaciones de Santuyano (Uviéu), va haber dos turnos y niveles: aniciu, de 17h a 18h; y mediu-avanzáu, de 18h a 19h.
Lleva tocando la pandereta dende los 6 años, ye cofundadora y componente d’Herbamora y de Xeitu y, dempués de toa una trayectoria dedicada a esti instrumentu -anque nunca de manera profesional-, María Vázquez «Trubia», da agora da el pasu a poner clases de pandereta. A partir del 9 xineru, nel Hotel d’Asociaciones de Santuyano (Uviéu), va haber dos turnos y niveles: aniciu, de 17h a 18h; y mediu-avanzáu, de 18h a 19h. La xente interesao pue apuntase llamando al 696 333 970.
«Siempre tuvi la idea y yera una cuestión d’atrevese y dar el saltu, asina que decidílo mui animada sobre manera poles compañeres d’Herbamora y de la xente que m’arrodia», desplica María «Trubia» al rodiu d’esta nueva etapa pa la que ta «mui contenta, mui ilusionada, con ganes d’entamar» y pa la qu’arranca «pasín a pasu» poniendo clase los vienres namás.
Amás d’esto, la vetera música sorraya otres razones: «Apetezme unime a tou esti movimientu que ta habiendo de pandereta y dar la mio visión de lo que llevo vivío toos estos años; y xunto a toes eses voces de muyer que nos deprendieron tanto, tamién quiero aportar el mi granín d’arena a esti movimientu que me paez que ta siendo mui potente y qu’espero que seya muncho mayor«. Asina ye como anima «a tola xente a poner escuela, a probar l’instrumentu y a conocer la cultura asturiana dende esti llau, porque hai sitiu pa toes». A partir d’agora, la escuela de María Trubia ye otra ferramienta más al serviciu de la música’l país.
