El carbayón: la hestoria del árbol que simboliza y da nome a los uvieinos. Los casi 600 años de vida d’esti carbayu o carbayo que creció por azar na antigua güerta de los Franciscanos y que foi baltáu pol foroñu que carecía, convirtieron esti árbol nun símbolu qu’entá pervive na memoria de la ciudá. LNE
Foto del Carbayón de 1879, de los hermanos Ramón y Fernando del Fresno Cueli. / Cedida a Lne
Falar d’uvieinos ye falar de carbayones, un xentiliciu col que popularmente conócese a los vecinos de la capital d’Asturies y que debe’l so nome al carbayo o carbayu centenariu que nel so día taba asitiáu na cai Uría. Esti icónico árbol foi valtáu, según cunten, ente otres causes pol so avanzáu estáu de foroñu interior, cosa que se comprobó como cierta una vegada cortáu. Esti fechu torgó’l so datación esacta, anque se cree qu’algamó alredor d’unos 500 años d’edá.
Escuche la hestoria completa nel podcast, tamién disponible en Spotify:
Pero antes de convertise en parte de l’alcordanza de la ciudá, esti frondoso xigante foi vícitma en ciertu mou de la meyora y la industrialización que se producieron nel sieglu XIX. «N’Asturies taben pasando munches coses. Por casu, el ferrocarril yá llegaba a la ciudá y con él había que construyir la so estación, la estación del norte, a les faldes de la Sierra del Naranco. Tamién taba la burguesía puxante, que quería construyir les sos casones nesa exa que partiría de la zona baxa de la güerta de los Franciscanos, onde agora ta l’antigua Diputación Provincial o l’edificiu de la Xunta Xeneral del Principáu. El gas, l’agua enriada pa les cases, los carruaxes, les ceres… y ende en mediu, esi bellu xigante, acosáu colos sos enormes raigaños que fueren cortaes pa trazar les ceres, y al que-y llegaben les agües del xardín botánicu del Campu de San Francisco, yá empezara a carecer.
La decisión a tomar foi clara y decidiose baltalu. Una midida más que revesosa, que punxo de manifiestu’l momentu históricu y políticu del Uviéu de la dómina. «A finales del XIX había dos Oviedos: los que taben a favor del progresu, del urbanismu puxante, y otres persones qu’abogaben de siguir col carbayón, con too y con eso. Foi una decisión polémica na qu’inclusive intervieno’l mesmu xardineru mayor del conceyu, un señor italianu que va sofitar el valtamientu del árbol. Les votaciones nos plenos municipales «fueron reñíes, pero finalmente impúnxose baltalu y ye según esti árbol convertiríase n’unu de los emblemes de la ciudá», aprofia Regina Buitrago, quien enfatiza nel «acoso que sufre’l carbayón col progresu, la construcción de ceres qu’emprobez los sos raigaños y prodúcenlu series enfermedaes que fixeron qu’el so estáu a la fin de la so vida nun fuera bien saludable».
Y ye que tolo qu’envolubra a esti famosu árbol sigue desvelando secretos tales como la creación del famosu periódicu «El Carbayón».
El Carbayón actual, detrás del Teatro Campoamor / Pablo Solares
Va Ser en 1949 cuando se propón llantar otru primer carbayón nel campu de San Francisco como símbolu del emblemáticu xigante. Pero’l so allugamientu replantégase y acaba nos antiguos xardincillos llaterales del Teatru Campoamor. Mércase un carbayu sanu y de la mesma variedá del antiguu carbayu, el quercus pedunculata, un exemplar d’una aldega próxima a San Esteban de les Cruces. A esti primer sustitutu denominóse-y carbayo», cuenta Buitrago.
Pero esti esperáu sucesor nun corrió la mesma suerte qu’el so predecesor y en llevando solo trés años plantáu careció y foi sustituyíu por unu más grande y d’unos «100 años. Este venía de la parroquia de Paniceres y asitióse en 1970, pero esti árbol tamién careció y foi reemplazáu por un tercer carbayo, que ye’l que tenemos agora, procedente, de la parroquia de San Cloyo».
A pesar d’estos intentos atayaos por tratar de faer solombra al sumíu carbayón, paez qu’Uviéu lleva tiempu esfrutando d’otru xigante centenariu. Un carbayu de 400 años que vive nel Campu de San Francisco. «La so base tien cuatro metros de circunferencia y atópase na parte baxa del quioscu del Bombé. Esti carbayo, si la salú lu dexa, va camín de convertise en dignu sucesor d’ese primer carbayón históricu». Llarga vida al carbayón.
