La matriculación n’asturianu y eonaviego xube esti cursu un 34,2% La Conseyería d’Educación aumentó un 34,2% la matriculación n’asturianu y eonaviego nesti cursu escolar, con un total de 30.782 estudiantes. Esi crecimientu, que se rexistra per cuartu añu consecutivu, vien motiváu fundamentalmente pola introducción de la llingua autóctona nel segundu ciclu d’Infantil como elección voluntaria.
Esi novedosu acercamientu a la llingua asturiana, al traviés de dalgunos de los conteníos incluyíos na área de aprendizaje Comunicación y representación de la realidá, enllantóse de forma simultánea nos trés niveles del segundu ciclu d’Infantil. Esti primer añu matriculáronse 7.652 neños y neñes: 6.220 en centros públicos y 1.432, n’alcordaos. La cifra supera’l 48% del total del alumnáu d’esta etapa educativa, un datu mui satisfactoriu pa esti cursu inaugural.
Si se descontara l’alumnáu d’Infantil, el balance resulta tamién positivu. Los estudiantes de Llingua Asturiana y Lliteratura en Primaria, Secundaria y Bachilleratu esperimenten una llixera medría del 0,83% respectu al cursu anterior.
La principal crecedera de matrícula n’asturianu y eonaviego producióse ente l’alumnáu de Secundaria de la rede alcordada, con un 36,5% más que’l cursu 2024-2025, siguíu de Bachilleratu en centros públicos (8,7%) y Primaria na enseñanza alcordada (4,2%). Sicasí, en Primaria y Secundaria de la rede pública producióse un llixeru descensu del 1% y el 0,2%, respectivamente.
Otra iniciativa pionera n’Asturies foi l’entamu esti cursu de la ufierta d’asturianu nes Escueles Oficiales d’Idiomes. El primer pasu diose n’Uviéu, onde se contabilicen 43 persones matriculaes nos trés niveles disponibles: 33 nel A1, estremaos en dos grupos; 3 nel B1 y 7 nel C1. La matrícula caltiense abierta.
Esa crecedera, que se rexistra per cuartu añu consecutivu, vien motiváu fundamentalmente pola introducción de la llingua autóctona nel segundu ciclu d’Infantil. La Conseyería d’Educación amontó un 34,2% la matriculación n’asturianu y eonaviego nesti cursu escolar, con un total de 30.782 estudiantes.
Según detalló’l Principáu, l’acercamientu a la llingua asturiana, al traviés de dalgunos de los conteníos incluyíos nel área de deprendimientu Comunicación y representación de la realidá, enllantóse de forma simultánea nos trés niveles del segundu ciclu d’Infantil. Esti primer añu matriculáronse 7.652 neños y neñes: 6.220 en centros públicos y 1.432, n’alcordaos. La cifra supera’l 48% del total del alumnáu d’esta etapa educativa, un datu bien satisfactoriu pa esti cursu inaugural.
Si descontárase l’alumnáu d’Infantil, el balance resulta tamién positivu. Los estudiantes de Llingua Asturiana y Lliteratura en Primaria, Secundaria y Bachilleratu esperimenten una llixera medría del 0,83% respectu al cursu anterior.
Según la directora Xeneral d’Inclusión Educativa y Ordenación, Dolores Bueno, esta crecedera reflexa ensin dulda el creciente interés y la reconocencia del valor de la nuesa llingua, non yá como patrimoniu cultural, sinón tamién como un elementu fundamental pal desenvolvimientu integral del nuestru alumnáu.
