La sidra asturiano celebra l’aniversariu de la so declaración como Patrimoniu Cultural Inmaterial de la Humanidá. #SidraAsturiana #Patrimonio #Aniversario #Asturias 
El sector sidreru fai un balance positivu nel primer aniversariu de la declaración de Patrimoniu Cultural de la Humanidá.
- Más investigación, pedagoxía y pumaraes, les cuentes pendientes
Fai xusto güei un añu desque la cultura sidrera asturiana fuera declarada como Patrimoniu Inmaterial de la Humanidá. Un día históricu que toos nomen como una de les mayores allegríes nueves pal sector tres años de trabayu.
Esta mañana conmemoróse con diverses ponencies nel Muséu de la Sidra y la presencia d’autoridaes, representantes y colectivos que reivindicaron la so unidá.
El sector sidreru fai un balance positivu d’esti primer añu. Destaca la medría de visites nos llagares y el muséu de la bébora.
Creó un plan estratéxicu con tolos estamentos, anque falta materializar les sos meyores, facederes al mediu plazu.
Ser más proactivos y crear estratexes comunes pa crecer, ye unu de los retos a futuru de los colectivos, xunto con desaniciar la escasez de mazana asturiana y la falta de relevu xeneracional, tamién nel consumu.
Les alministraciones anuncien más dotaciones, como’l millón d’euros pa promocionar los productos asturianos, y reivindiquen midíes, como la estrenada anguaño de sofitu económicu a les pumaraes.
Más investigación, pedagoxía y pumaraes, les cuentes pendientes de la cultura sidrera asturiana
Investigación, pedagoxía y el plantíu de pumaraes son los asuntos pendientes na cultura sidrera asturiana. En TPA Noticies Matinal falamos con Luis Benito García, l’impulsor de la candidatura énte la Unesco.
Señala que la reconocencia notóse en dellos aspeutos como la comercialización pero que queden asuntos pendientes. Recuerda que la sidra ye un marcador étnicu d’Asturies y señala un aspeutu importante na producción, imprescindible pa caltener esta cultura.
