L’iviernu astronómicu entama esti domingu 21 d’avientu a les 16:03 y durará cuasi 89 díes. Habrá dos eclipses pero nun sedrán visibles dende España.
L’iviernu astronómicu entama esti domingu 21 d’avientu a les 16:03 hora peninsular, según cálculos del Observatoriu Astronómicu Nacional (Institutu Xeográficu Nacional-Ministeriu de Tresportes, Movilidá y Axenda Urbana).
De manera aproximada, esta estación durará 88 díes y 23 hores y acabará’l 20 de marzu de 2026 viniente col entamu de la primavera.
En total, l’iviernu tendrá tres llunes enllenes: el 3 de xineru, 1 de febreru y 3 de marzu. Al marxe d’ello, acoyerá dos lluvies de meteoros: les úrsides, qu’esperen que’l máximu seya pal 22 d’avientu, y de les cuadrántides, qu’esperen que’l máximu seya pal 3 de xineru.
Esti día –el domingu– sedrá’l día del solsticiu d’iviernu, la xornada más curtia del añu. Na llatitú de Madrid, tendrá una duración de nueve hores y 17 minutos (en comparación, el solsticiu de branu –día más llargu del añu– foi’l 21 de xunu y duró 15 hores y tres minutos).
