Autora: BEATRIZ DE TERESA
Testu: AMAIA CÍA ABASCAL
En Pillarno una nueva tradición celebra la llegada de los díes que s’allarguen. Les Aniciadoras, muyeres que simbolicen la tierra, lo fondo, los ancestros, salen a les cais llenes de lluz y vistíos coloríos. Trabayu nun-yos falta, pero por si acasu equí va una ufierta: Necesítense Aniciadoras. Precísense urxentemente Aniciadoras para celebrar solsticiu d’iviernu.
Requisitos:
- Edá: muyeres de 0 a 199 años (ampliable).
- Altor (de mires): Muyeres sabies, universales (nun s’esixe salir de l’aldega).
- Muyeres qu’apurran esperanza, ilusión y lluz (preferiblemente provistes d’antorches).
- Pesu (razones de): Nestos tiempos que cuerren, buscamos muyeres que faigan que los tiempos caminen. Falta fainos.
- Nacionalidá: Cualquier tierra de la Tierra (o Saturno o Xúpiter o Plutón. Ensin restricciones).
- Esperiencia previa: Valorará sabese semar, escuchar a les tatarabueles, rellatar a les fíes, faer rosquíes, comer rosquíes, triar fuerte (ensin faer dañu), llorar, rir, saber pronunciar solsticiu (aplicable solo a Aniciadoras avanzaes), encender cerilles húmedes para empecipiar un bon fueu, allumar, esfrutar, vivir.
- Indumentaria: vistíu de franela con bordaos de suañu, puñetas, guantes, corexa (con papelín de bonos deseos para’l nuevu añu), banda, mázcara y corona. Indispensable vara.
- Vehículu: van almitise pies, zapatos, madreñes o pollín (non necesariamente propiu).
- Incorporación: 24 d’avientu. Xornada continua.
Beatriz de Teresa, economista de formación y pintora autodidacta. Participó en diverses esposiciones, consolidando una obra centrada na figura femenina y el so venceyu ancestral, onde atopa l’equilibriu ente la fuerza y la sensibilidá.@beatrizdeteresa.art .
Amaia Cía Abascal, escritora especializada en lliteratura infantil que cunta con múltiples reconocencies con publicaciones d’editoriales como Anaya, Penguin Random House, Planeta o Edelvives. La so cuenta de Ig ye un referente d’episodios históricos trataos con humor intelixente.@lahistoriaenunpispas .
