Otru añu más torna a Uviéu el ciclu de conciertos qu’entama’l proyectu cultural El Tiempo Delicuescente 
Manglar Ecosistema Cultural va acoyer cinco actuaciones nesti primer trimestre de 2026 y dientro d’elles hai dos de música asturiana: la del espectáculu Ser quien a cantar el xueves 22 de xineru y Rubén Bada Music el sábadu 7 de febreru .
D’otra banda Rubén Bada va presentar el so discu homónimu. L’artista llanzó en setiembre un «trípticu» que tien tres estayes –‘Guitarra‘, ‘Vigulín’ y ‘Cantares‘- na que caúna fai referencia a tres óptiques dende les que Bada mira’l folk y la música tradicional. En ‘Guitarra’ hai seis cortes con pieces interpretaes en xéneru instrumental col so instrumentu principal, emplegando’l so estilu de fingerpicking col que yá venía trabayando n’otros tantos proyectos. ‘Vigulín’ son cuatro cortes nos qu’ufierta pieces mui lligaes a la tradición del baille: xotes, muñeires, agarraos, etc., dalgunes tradicionales, otres de composición propia. ‘Cantares’ ye la parte dedicada a les coples y les melodíes tradicionales y populares, de chigre, pal baille, de tonada… Les igües d’estos temes son ocho ayalgues qu’amuesen quiciabes la visión más personal del músicu sobre estos repertorios.
