Madre y fía lluchen nos xulgaos pola propiedá d’un traxe de llanisca. La madre denunció a la so fía pa reclama-y el paxellu tradicional. El desalcuerdu pola propiedá d’un traxe de llanisca enfrentó a una madre y a una fía nos xulgaos.
La denunciante reclama a la so fía la propiedá d’un traxe de llanisca valoráu en 6.000 euros qu’ella mesma, como reconoció énte la xueza, regalara a la so fía va delles décades. El conflictu entamó nel branu del 2024 cuando la nieta de la muyer que demandó a la so fía nun pudo vistise pa una de les tres fiestes de la capital del valle de San Xurde.
La madre yera la que curiaba’l traxe de llanisca, pero a partir d’esi día la fía decidió llevalu a la so casa, yá que se trataba d’un regalu que-y fixeren sos padres cuando yera una adolescente. La xueza, finalmente, dio-y la razón a la fía, anque so madre inda pue presentar un recursu énte l’Audiencia Provincial d’Asturies.
