Nun ye solo una Lluna Llena. Ye un fueu antiguo. 🔥🌕 Munches te van falar de la Lluna de Nieve esta fin de selmana, pero pocos te van cuntar qué ta pasando realmente so los tos pies. Tamos nun puntu importante de la Rueda del Añu. Mientres el cielu allúmase, la tierra tamién camuda de ritmu.
- 🕯️ Nel Norte: celébrase Imbolc. L’espertar de la grana y la certidume de que l’iviernu nun ye eternu.
- ☀️ Nel Sur: vívese Lughnasadh. La primer collecha y la reconocencia de lo que yá dio frutu.
¿Paecen opuestos? Nun lo son.
Dambos tán xuníos pol mesmu elementu: el fueu que se protexe.
Yá sía la llapada d’una vela o’l calor del sol, esta fin
de selmana munches volvemos axuntanos para curialo.
Y esto importa porque non puede trabayase la enerxía si nun sabemos en qué parte del ciclu tamos.
L’iviernu foi sagráu porque enseñaba a vivir adulces ❄️
A curiar el fueu interior, a escuchar la nueche y
a confiar en que la lluz siempres vuelve.
Quiciabes nun escaecimos al iviernu…
quiciabes solo precisamos volver honralo.
Imbolc, fiesta celta de la lluz
Güei Candelaria y Dia de Santa Brígida
Imbolc ye una de les festividaes celtes que menos conocemos, una y bones les fontes nun refundien tanta información sobro ella como asocede con Samhain por casu. Esto nun significa que la fiesta celebrada como Imbolc gociara de menos importancia. Nes sociedaes celtes yera una de les más importantes porque simbolizaba’l fin de la dómina escura, l’iviernu. La so celebración tenía llugar al empiezu del mes de febreru, pa preparar a la llegada de la primavera.
Imbolc: antiguu festival celta. Tamién llamada Oimelc, Imbolc ye como hemos vistu, un antiguu festival relixosu celta. Esti festival aparentemente foi una fiesta de purificación pa los granxeros y comparóse coles lustratio de los romanos (ceremonies de purificación). Imbolc acomuñase cola diosa Brigid, y dempués de la cristianización d’Europa, el día del festival convertiose na fiesta de Santa Brigit. Yera celebráu’l 1 o’l 2 de febreru. Imbolc atópase na rueda añal Wicca, entre Yule y Ostara.
Brigit cross como símbolu d’Imbolc. La cruz de Brigit ye una forma xeométrica de cuatro estremos que se fabrica de manera artesanal con blima. Faíase para colocarlaen la puerta del llar y asina protexelo. La so forma recuerda enforma a una rueda solar y recuerda el significáu d’Imbolc. La lluz del día va aumentando progresivamente, la primavera avérase.
L’Imbolc celta ye una fiesta na que se celebra la torna de la lluz y de la vida y pídese fertilidá, tantu para les muyeres, como para les tierres y los animales.
Para los celtes, l’añu yera como una gran rueda que va algamando una serie de puntos al xirar. Tenemos De faer un esfuerzu d’astracción y ver el mundu a traves de los güeyos d’estes sociedaes, extraordinariamente venceyaes cola naturaleza y con un estilu de vida por completu agrícola. Poro, l’añu taba indisociablemente xuníu al ciclu de la collecha.
Los celtes estremaben el so calendariu, esta gran rueda, en cuatro partes, en cuatro oxetivos, celebrando una gran fiesta cada vez que se cumplía unu d’ellos. La rueda del añu empezaba a rodar con Samaín (Samhain), a fines d’ochobre, momentu nel que se realizaba la collecha y almacenábense estos alimentos para llograr sobrevivir al iviernu.
Un rasgu que xune Samaín, Bealtanne y Imbolc ye’l fueu. Este xugaba un papel bien importante nestos trés grandes fiestes. En Samhain encendíense grandes fogueres para alloñar a los malos espíritos que llegaben dende’l «otru mundu celta». En Bealtaine les fogueres sirvíen para ufiertar protección y favorecer la crecedera. En Imbolc simbolizaben el regresu de la lluz.
L’añu celta, como los sos díes y los sos meses, empezaben siempres pola so metá escura. Dempués de Samaín llega Imbolc, la festividá que nos ocupa. Más tarde llega Bealtaine, a principios de mayu, y con esta gran fiesta empieza la metá lluminosa del añu y la temporada de llantadera. Ye una celebración perimportante y bien esperada. Lughnasad, n’agostu, da empiezu a la temporada de collecha, que llega hasta Samaín de nuevu. La rueda xiró por completu y vuelve empezar.
La gran fiesta marca un puntu mediu ente’l solsticiu d’iviernu y l’equinocciu de primavera. La palabra Imbolc significa lliteralmente «nel banduyu» nel antiguu idioma de los celtes irlandeses. Estes palabres faen referencia al embaranzu de les oveyes, como vamos ver depués.
Tamién ye conocida como Oimelc. Esta palabra provien del antiguu irlandés y significa lliteralmente «cato de les oveyes».Imbolc tamién se rellaciona dende bien antiguu cola purificación, quiciabes pola asociación del blancu puru de la lleche de les oveyes. Esto podemos entendelo si pensamos en que d’antiguo se consideraba esta festividá celta como fecha na que les oveyes empezaben la lactancia.
