El pasáu 2 de xineru la Casa la Cultura de Grau acoyó la IX Xuntanza Los Sones de la Navidá Asturiana, eventu entamáu pol Archivu de la Tradición Oral d’Ambás (ATOAM) y la Conceyalía de Cultura de Grau nel que dellos colectivos, agrupaciones y músicos d’Asturies apurren les sos versiones de villancicos y cantares navidiegos. Na canal de YouTube de Xosé Ambás yá pue vese una esbilla de ventiséis minutos coles actuaciones.
Nesta edición hubo un total de quince actuaciones: Andecha Folclor d’Uviéu, Arduríu, L’Artusu, El Corriellu la Pandorga, Escontra’l Raigañu, Escuela de Música Municipal de Grau, La Flor de Grau, Grupu Etnográficu L’Oriente, Ladio Vallina (La Ifrera, Samartín del Rei Aurelio), Muyeres por Grau, Soi panderetera, Trebeyu, Vezos Astures, Xeitu, Ambás, Dolfu ya Ramsés.
